Wednesday, 8 July 2015

अथ सप्तपञ्चाशत्तमो स्नायुरोगाधिकारः 57

शाखासु कुपितो दोषः शोथं कृत्वा विसर्पवत
भित्वैव तं क्षते तत्र सोष्म मांसं विशोष्य च 1

कुर्यात्तन्तुनिभं सूत्रं तत्पिण्डैस्तक्रशक्तुजैः
शनैः शनैः क्षताद्याति च्छेदात्तत्कोपमावहेत 2

तत्पाताच्छोथशान्तिः स्यात्पुनः स्थानान्तरे भवेत
स स्नायुरिति विख्यातः क्रियोक्ताऽत्र विसर्पवत 3

बाह्वोर्यदि प्रमादेन त्रुट्यते जङ्घयोरपि
सङ्कोचं खञ्जतां चापि च्छिन्नो नूनं करोत्यसौ 4

स्नेहस्वेदप्रलेपादि कर्म कुर्याद्यथोचितम
रामठं शीततोयेन पीतं स्नायुकरोगनुत 5

स्वेदात्स्नायुकमत्युग्रं भेकः काञ्जिकसाधितः
तद्वद् बब्बूलजं बीजं पिष्टं हन्ति प्रलेपनात 6

गव्यं सर्पिस्त्र यहं पीत्वा निर्गुण्डीस्वरसं त्र यहम
पिबेत्स्नायुकमत्युग्रं हन्त्यवश्यं न संशयः 7

मूलं सुषव्या हिमवारिपिष्टं पानादिदं तन्तुकरोगमुग्रम
शान्तिं नयेत्सव्रणमाशु पुंसां गन्धर्वगन्धेन घृतेन पीत्वा 8

अतिविषमुस्तकभर्गीविश्वौषधपिप्पलीबिभीतक्यः
चूर्णमिदं तन्तुघ्नं पुंसामुष्णेन वारिणा पीतम 9

शिग्रुमूलदलैः पिष्टैः काञ्जिकेन ससैन्धवैः
लेपनं स्नायुकव्याधेः शमनं परमं मतम 10

अहिंस्रकमूलकल्केन तोयपिष्टेन यत्नतः
लेपसम्बन्धनात्तन्तुर्निःसरेन्नैव संशयः 11

इति सप्तपञ्चाशत्तमः स्नायुरोगाधिकारः समाप्तः 57
Related Posts Plugin for WordPress, Blogger...

Follow by Email